Consideramos que o traballo na área científica na educación infantil e, en concreto, no campo do medio natural é de grande importancia. Fomenta a curiosidade nos nenos e nenas por coñecer e comprender os fenómenos e seres vivos que nos rodean, fan que se interesen por descubrir os obxectos e os sucesos próximos, relacionarse con elas, poñendo en xogo as súas propias capacidades.

Ademais, as dúbidas e explicacións que os/as nenos/nenas realizan irán levando cara a preguntas e respostas cada vez máis rigorosas.

Traballando desde a área cientifica, axudamos ao noso alumnado a “ver” os fenómenos e as situación desde la experimentación, dun xeito que lles permite aprender de forma activa, manipulando, experimentando, ensaiando e errando.

Escollimos neste caso o mundo dos CARACOIS por se tratar dun ser vivo que atopamos facilmente no noso contorno próximo, pero que, ao mesmo tempo, é moi descoñecido para eles dende o ámbito da bioloxía. Xa que logo, neste proxecto centrámonos en coñecer aspectos tales como: a súa anatomía, alimentación, ecosistema, coidados, … mediante a realización de experimentos, experiencias e a procura continua de información.

“No punto onde se detén a ciencia,

comeza a imaxinación.”

Thor Heyerdahl (1914-2002)

Explorador e biólogo noruegués