MOTIVACION

Un día, apareceu na clase unha caixa chea de caracois e gustounos tanto observalos, coñecelos, tocalos… que decidimos saber máis cousas deles.

Coñecementos iniciais ( Que sabemos?)

Teñen unha cuncha e cornos

Comen leituga, tomate

A cuncha é a casa dos caracois

Son moi timidos porque se meten na cuncha

Teñen patas moi curtas

Son parecidos ás babosas etc

Preguntas do alumnado ( Que queremos saber?)

• Como se coidan?

• Poden oír?

• Que pasa se lle rompe a cuncha? Pode vivir?

• Teñen dentes?

• Nacen con cuncha?

• Precisa calcio?

FACEMOS UN TERRARIO

Na caixa onde apareceron os caracois, estaba aberta e escapabanse, e como decidíramos coidalos e saber máis deles, pensamos en facer un terrario.

O primeiro que fixemos foi buscar información (en internet) para saber como tiñamos que facer.

Necesitabamos unha caixa grande tapada (para que non se poidesen escapar).

Ademais, terra, pedras … e finalmente metimos os caracois. Agora que xa tíñamos feito o terrario, soamente nos facia falta cada día dar comida aos caracois e limpar un pouco o terrario Descubrimos tamén que necesitan moita humidade, así que metimos unha esponxa mollada que humedecíamos diariamente. Ademais introducimos unhas cascas de ovo para que os caracois puidesen "tomar" os mineraiso para facer que as súas cunchas fosen máis duras.

FIXEMOS EXPERIMENTOS:

Os experimentos que fixemos, partiron do que eles querían saber sobre os caracois

O primeiro que faciamos antes de comezar os experimentos, era explicarlle o noso alumnado en que consistía. Posteriormente eles decían as súas hipótesis, a continuación facíamos o experimento e quitábamos as conclusións.

EXPERIENCIA 1:

OBXECTIVO

• Oservar a reaccion dos caracois diante de diferentes substancias.
• Descubrir o sentido do olfato nos caracois.

O experimento consistiu en poñer os caracois entre dúas barreiras, unha de vinagre e a outra de auga, e outra de colonia e auga e despois observar o que facian os caracois

EXPERIENCIA 2: 

OBXECTIVO

• Observar a reaccion dos caracois diante de diferentes subtáncias.
• Descubrir o sentido do gusto nos caracois.

O experimento consistiu en meter os caracois entre dúas barreiras, unha de sal e outra de azucre; e posteriormente unha de sal e fariña e observar o que facian os caracois

EXPERIENCIA 3:

OBXECTIVO

• Descubrir a través de distintos experimentos o sentido do oido nos caracois.

O experimento consistiu en poñer os caracois enriba da alfombra e que paseen tranquilamente: facemos silencio, berramos moi forte, poñemos música moi alta, tocamos un instrumento moi forte… que vai ocurrir?

EXPERIENCIA 4:

OBXECTIVO

• Observar o rastro de baba que xeran os caracois ao desprazarse .

Mollamos os caracois en auga mesturada con colorante alimentario. veremos a baba de cor laranxa e observaremos que formas teñen os camiños que debuxan ao arrastrarse polo papel

EXPERIENCIA 5:

OBXECTIVO

• Observar distintas superficies por onde se poden desprazar os caracois.

 O experimento consistiu en colocar os caracois enriba de distintas materiais na superficies: tacholas, area, pedras, serrín, estropallo, cepillo de pinchos... e observar se son quen de se arrastrar sen problemas

EXPERIENCIA 6:

OBXECTIVO

• Comprobar a forza que teñen os caracois ó arrastrar distintos obxectos.

 O experimento consistiu en colocar os caracois distintas materiais (pataca, xabón, pedra…) e ver si eran ou non capaces de arrastralos

EXPERIENCIA 7:

OBXECTIVO

• Observar distintas superficies por onde se poden desprazar os caracois

 O experimento consistiu en colocar os caracois enriba dun fio, un arame, un pau delgado… e comprobar se eran capaces de camiñar sen caerse, mantendo o equilibrio

OUTRAS ACTIVIDADES

• Escritura dunha nota as familias para solicitar información.

• Observación dos caracois case todos os días e en situacións distintas: fixemos uso de lupas para observalos mellor e a través dun plástico transparente para observarlle o pé.

• Observación da baba dos caracois e investigación para que lle serve.

• Atopamos un caracol cun so corno.

• Observación das cacas do caracol, o color variaba según a comida que tomaba.

• Debuxos dos caracois, observándoos directamente.

•  Visionados de distintos vídeos sobre os caracois e os seus comportamentos no medio.

• Observamos as partes do caracol: a boca, os ollos, o corazón axudándonos dun microscopio.

• Observación, seguimento e rexistro de alimentos que comían ou non os caracois.

• Comprobamos como se desprazan os caracois, se en línea recta ou non.

• Pesamos os caracois.

• Limpeza do terrareo todos os días.

• Participación das familias, a través dun conto que se inicio na clase e foi continuando nas casas do noso alumnado. Pedíamoslle que tamén introduciran información verídica sobre estes animais.

• Naceronnos ovos, averiguamos como nacen os caracois.

• Disección da rádula do caracol, coa axuda dunha bióloga do departamento de Didáctica da Facultade de Ciencias da Educación da Universidade de Santiago.

• Adaptación do conto de Marilar Alexandre titulado “ Os catro cascarolos”, baseandonos nel inventaron un conto entre todos titulado “Os caracois saen da cas por primeira vez”.

• Despedida e liberación dos caracois.