Actividade de Motivación

Un día apareceu na clase un camiño de terra... Que sorpresa!!

Seguindo ese camiño atopamos una miñoca que foi a protagonista durante todo o proxecto.

Despois de lle poñer nome á mascota, realizamos diversas actividades:

• Debuxo da mascota.

• Investigamos cousas sobre ela.

• Fixemos a miñoca en plastilina.

RECOLLIDA E ANÁLISE DE TERRAS.

Entregamos a cada neno e nena unha bolsa de plástico hermética e unha ficha. Coa axuda da súa familia recolleron unha mostra de terra e cubriron os datos na ficha.

A continuación fixemos unha gráfica para rexistrar os tipos e a cantidade de bichos que atopamos.

Con todas elas fixemos un terrario para a aula

EXPERIMENTO Nº1

FILTRACIÓN DA AUGA NA TERRA

Obxectivo: Descubrir e observar a filtración da auga no solo.

Presentamos dous envases de plástico transparentes cortados pola metade. Colocamos a outra metade do bote boca abaixo e cunha gasa facendo de filtro

EXPERIMENTO Nº2

A CONTAMINACIÓN DO SOLO

Obxectivo: Tomar conciencia da importancia da acción do ser humano na conservación do chan.

LIMPEZA DO NOSO PATIO

Despois de ver o importante que é o coidado do Medio e como pode influir o lixo no mesmo, decidimos limpar o noso patio e conciencíamonos da importancia do seu coidado.

EXPERIMENTO Nº3

AS CAPAS DO SOLO.

Obxectivo: Observar como é o perfil dun solo.

Neste experimento collemos distintos elementos do solo: pedras, area gorda,  area fina e humus, introducimos todos eles nunha botella de plástico transparente e engadimos auga. Despois axitamos a mestura e a deixamos repousar bastante tempo. Por último sacamos conclusións.

Despois de realizar o experimento anterior cada alumno fixo o perfil do solo.

PERFIL DO SOLO

Fixemos unha representación en papel da colocación das partículas presentes no solo atendendo ao seu tamaño.

Primeiro recollimos o material necesario (pedras, area grosa, area fina, e humus) e deseguido pegamos todo por orde, poñéndolle o nome respectivo. Nalgunhas aulas as pedras representáronas con papel maché

EXPERIMENTO Nº4

O CRECEMENTO DAS PLANTAS EN DISTINTOS SOLOS

Obxectivo: Observar como crecen as plantas en distintos solos.

PLANTACIÓN DE LEITUGAS 

Nalgunhas escolas fixemos plantacións individuais de sementes de leitugas para nós facer responsables do seu coidado e gozar dunha ensalada compartida unha vez medraran.

EXPERIMENTO Nº5

A IMPORTANCIA DAS PLANTAS NO SOLO

Obxectivo: Observar e reflexionar sobre a importancia de vexetación no solo.

Recollemos do patio un anaco de terra algo profundo sen presenza de herbas nin plantas, e outro de igual tamaño pero con herbas.

Introducimos os dous anacos en cubetas independentes, inclinándoas un pouco. Botamos auga e sacamos conclusións.

OUTRAS ACTIVIDADES

BUSCAMOS, RECOLLEMOS E IDENTIFICAMOS BICHOS

Unha das actividades máis motivadoras, e que estivo presente durante todo o proxecto, foi a búsqueda de bichos tanto nos patios das escolas como na compañía das súas familias.

Nas escolas utilizábamos o “aspirabichos”, as lupas, pas e angazos … e tamén a clave de bichos para identificar aos que se ían collendo.

FACEMOS DEBUXOS E TRAZOS

As actividades máis manipulativas do proxecto foron as operacións coas terras e os distintos solos, tanto dentro das aulas como nos patios das escolas.

Os nenos e nenas gozaro con estas actividades, aprendendo a compartir material e experiencias cos seus compañeiros e compañeiras.

Estas tarefas deron lugar a debuxos de animais que viven no solo, e que aproveitamos para fotografiar e imprimir as imaxes. Así, posteriormente, o alumnado, no traballo de mesa, puido identificar eses animais, pintalos e poñerlles nome.

O LIBRO DA MIÑOCA

Esta actividade fíxose paralelamente coas familias dos nenos e nenas dende as súas casas.

Cada semana un neno ou nena levaba a miñoca, mascota da clase, para a súa casa para poder xogar con ela e coidala.

As vivencias e experiencias compartidas con ela recollíanse nun caderno que acompañaba á miñoca e onde levaban unhas pautas para saber o que tiñan e podían facer con ela durante a súa estancia. Deste xeito os contidos traballados na clase reforzábanse e complementábanse cos traballos realizados nas casas.