O alumno/a debe adquirir coñecementos de ciencias para que os poida transferir e utilizar no seu entorno a fin de comprendelo mellor, actuar dun modo mais autónomo e como forma de participar mais activamente na sociedade.

Para favorecer isto foi imprescindible crear un ambiente rico de estímulos que ofrecese ao nenos/as moitas posibilidades de establecer interaccións co mundo que os rodea, facilitando así o desenvolvemento das súas capacidades,   introducindo nas nosas escolas as ciencias, neste caso o átomo, de forma rigorosa, seguindo os pasos que caracterizan ao método científico, e  dándolle presenza continua nas nosas aulas.

Tratamos de desenvolver a súa capacidade de razoamento e outras habilidades procedimentais tanto intelectuais como manuais,  introducindo o coñecemento científico, como instrumento e método para ampliar, afondar, e enriquecer progresivamente a experiencia persoal.

“En tempos e lugares totalmente incertos,  os átomos deixaron o seu camiño celeste, e mediante apertas fortuitas,  enxendraron todo o existente." James Clerk Maxwell