EXPERIMENTACIÓN LIBRE.

Comezamos unha fase de experimentación libre cos imáns no recuncho científico e por outras partes da clase.

ATRAE/NON ATRAE.

Despois de buscar na clase obxectos que atraen ou non atraen os imáns, fixemos un mural onde se clasifican estes materiais en función destas propiedades.

BOTELLAS CON SORPRESA.

Este xogo consiste en adiviñar cantas cousas de ferro hai agochadas nunhas botellas cheas de confeti, sen abrilas. Para isto os nenos/as utilizan os imáns. 

OS PESCADORES.

Nesta actividade os nenos/as teñen que pescar cunha cana imantada tantos peixes como poidan. 

CONDUCIMOS COS IMÁNS.

Utilizando un imán trasladamos obxectos de ferro movendo imáns por debaixo dunha mesa, dun cartón, de roupa…

VIVIMOS NUN IMÁN.

Despois de buscar información de como son os imáns por dentro, de que están formados e como se organizan a súas partículas (átomos), facemos unha representación deste fenómeno con nós mesmos.

LIMADURAS E BOLIÑAS DE FERRO.

Ao través deste xogo pretendemos que os rapaces e rapazas observen o fenómeno de inducción que se da utilizando boliñas e limaduras de ferro. 

COÑECENDO AOS CIENTÍFICOS.

Lemos algo da vida e de cousas que fixeron algúns dos físicos importantes relacionados co magnetismo. 

O MALETÍN CIENTÍFICO.

Os nenos e nenas levan o maletín ás súas casas onde realizan experiencias coa súa familia e logo nolo contan a todos na clase.