O obxectivo desta Sección é presentar algúns dos Proxectos que fomos facendo, ao longo de moitos anos de colaboración, no Grupo Torque.

Sen querer ser exhaustivos, amosamos algunhas das Actividades desenvolvidas para que as nenas e os nenos descubran, coñezan e comprendan, nas referencias que lle son propias, fenómenos científicos que conforman a súa realidade.

Ademais, introducindo contidos, como os que achegamos nesta Sección, imos moito máis aló do mero achegamento da ciencia aos nenos. En efecto, os procesos que conforman o traballo científico son un instrumento enormemente eficaz para todos os elementos curriculares que deben estar presentes na Educación Infantil.

Queremos, así, ser punto de partida, lugar de motivación e espazo de encontro para servir de axuda a quen crea tamén que a Ciencia debe ocupar un espazo protagonista no Currículum da Educación Infantil.